بانی: عبداللہ بٹ      ایڈیٹرانچیف : عاقل جمال بٹ

بانی: عبداللہ بٹ

ایڈیٹرانچیف : عاقل جمال بٹ

زندگی میں بہت مشکل حالات دیکھے ‘کبھی مغرور نہیں ہوسکتا، راحت فتح علی خان

لاہور (نیوز ڈیسک) لیجنڈری گلوکار راحت فتح علی خان نے انکشاف کیا ہے کہ انہوں نے زندگی میں بہت مشکل حالات دیکھے ہیں اس لئے کبھی غرور نہیں آسکتا۔ ایک ٹی وی پروگرام میں گفتگو کرتے ہوئے راحت فتح علی خان نے بتایا کہ ایک وقت تھا کہ ان کے پاس مہمان کو کھانا کھلانے اور والدہ کے ڈائیلاسز کے لیے بھی پیسے نہیں تھے انہوں نے زندگی میں بہت مشکل حالات دیکھے ہیں۔گلوکار کا کہنا تھا کہ اب جب وہ معاشی طور پر خوشحال ہو چکے ہیں، ان کے پاس اب بھی 1991 میں خریدی گئی کار موجود ہے کیوں کہ اسے دیکھ کر انہیں حوصلہ ملتا ہے۔ ایک سوال کے جواب میں راحت فتح علی خان نے کہا کہ آج کل کے قوال استاد نصرت فتح علی خان کے گائے ہوئے کلام کو گاکر روزی روٹی کما رہے ہیں۔راحت فتح علی خان نے ایک سوال کے جواب میں بتایا کہ ان کی پہلی محبت اہلیہ ہیں اور انہوں نے ان سے پسند کی شادی کی تھی، ان کے سسرال والے انہیں رشتہ دینے کو تیار ہی نہ تھے اور انہوں نے بڑی مشکلوں سے رشتہ حاصل کیا۔ راحت فتح علی خان کا کہنا تھا کہ زندگی میں مشکل حالات دیکھنے کی وجہ سے ان میں کبھی غرور آہی نہیں سکتا۔