لاہور(نیوزڈیسک)پاکستان شوبز انڈسٹری کے معروف اداکار کاشف محمود نے سابق کپتان شاہد آفریدی سے متعلق اہم انکشاف کیا ہے۔

کاشف محمود نے سوشل میڈیا پر اپنے ایک ویڈیو پیغام میں کہا کہ ہماری کرکٹ کو تباہ کرنے والے صرف شاہد آفریدی ہیں۔

اداکار نے کہا کہ بھارتی کرکٹ ٹیم میں بہترین بیٹسمین ہونے کی وجہ یہ ہے کہ اُنہوں نے سنیل گواسکر کو اپنا گاڈ فادر بنایا پھر ٹنڈولکر اور ویرات کوہلی مایہ ناز بلے باز بنے اور اس طرح اب تک بھارتی کرکٹ ٹیم میں دُنیا کے بہترین بلے باز موجود ہیں۔

https://twitter.com/KashifMahmood_/status/1522526508736126976?ref_src=twsrc%5Etfw%7Ctwcamp%5Etweetembed%7Ctwterm%5E1522526508736126976%7Ctwgr%5E%7Ctwcon%5Es1_&ref_url=https%3A%2F%2Fwww.bolnews.com%2Furdu%2Fentertainment%2F2022%2F05%2F772866%2F

انہوں نے کہا کہ ہم نے عمران خان کو اپنا فاسٹ باؤلر آئیکون بنایا اور اب تک اچھے بُرے حالات میں بھی پاکستان کے پاس بہترین فاسٹ باؤلرز ہیں۔

کاشف محمود نے شاہد آفریدی پر شدید تنقید کرتے ہوئے کہا کہ ہم نے گزشتہ 20 برسوں میں شاہد آفریدی کو ہیرو بنادیا اور اُن سے اگر اُمید رکھی، اگر شاہد آفریدی چل گیا تو ہم یہ میچ جیت جائیں گے۔

ادکار نے کہا کہ کرکٹ میں اگر مگر نہیں چلتی، ہمیں انضمام الحق، یونس خان اور محمد یوسف کو ہیرو بنانا چاہئیے تھا۔

انہوں نے یہ بھی کہا کہ میں شاہد آفریدی کے خلاف نہیں ہوں، نہ میں کبھی اُن سے ملا ہوں لیکن اتنا ضرور کہوں گا کہ وہ اچھے انسان تو ضرور ہوسکتے ہیں لیکن بہترین کرکٹر نہیں ہیں۔

اداکار کا کہنا تھا کہ ہماری کلب کرکٹ میں کسی بچے کا بلّا سیدھا نہیں ہوتا، سب یہی چاہتے ہیں کہ ایک اوور میں تین چار چھکے لگا کر شاہد آفریدی بن جائیں، کرکٹ کی تباہی کے بعد اب شاہد آفریدی سیاست کے فلاسفر بن رہے ہیں، عمران خان کی غلطیاں نکال رہے ہیں۔

کاشف محمود نے کہا کہ آفریدی صاحب سیانے کہتے ہیں جس کا کام اسی کو ساجھے، کرکٹ آپ کو کھیلنی نہیں آئی سیاست تو بہت آگے کی چیز ہے۔