پاکستان کرکٹ بورڈ (پی سی بی) کو فلسطینیوں سے اظہارِ یکجہتی اور اپنے بلے پرغزہ کا جھنڈا چسپاں کرنے پروکٹ کیپر اوربلے بازاعظم خان کیخلاف جُرمانہ عائد کیے جانے پر سوشل میڈیا صارفین کی جانب سے شدید ردِعمل کا سامنا ہے۔
اعظم خان پر قومی ٹی ٹوئنٹی ٹورنامنٹ میں میچ فیس کا 50 فیصد جرمانہ عائد کیا گیا تھا۔
جیو نیوز سے گفتگو کرتے ہوئے پی سی بی نے وضاحت کی کہ اعظم خان پر غیر منظور شدہ لوگو استعمال کرنے پر جرمانہ عائد کیا گیا۔
میچ ریفری کی جانب سے اعظم خان کو بلے پر فلسطینی پرچم کا اسٹیکر لگانے سے بھی منع کیا گیا تھا لیکن انہوں نے اسے ہٹانے سے انکار کردیا اور کہا کہ ان کے تمام بیٹس پر ایک ہی اسٹیکر لگا ہوا ہے۔
کرکٹ بورڈ کے ضابطہ اخلاق کے تحت کھلاڑی کٹس یا آلات پر غیر منظور شدہ اسٹیکر نہیں لگا سکتے نہ ہی میچز کے دوران مذہبی یا سیاسی پیغامات کے اسٹیکر آویزاں کرسکتے ہیں۔
میچ ریفری نے ضابطہ اخلاق کی خلاف ورزی پر اعظم خان کے خلاف کارروائی کی۔
اس حرکت پر جرمانہ عائد کیے جانے کے بعد سابق کرکٹرز راشد لطیف اور ڈاکٹر نعمان نیاز نے اپنے پوڈ کاسٹ میں اعظم خان کو سراہا۔
Shame on PCB
Full Support to #Azamkhan pic.twitter.com/qAbaUsc237— Azam-K (@Azamk555) November 26, 2023
اعظم خان کے اس اقدام نے انٹرنیٹ صارفین کی توجہ بھی اپنی جانب مبذول کروائی جو پی سی بی کے ردِعمل سے ناخوش دِکھائی دیے۔
Shame on you @TheRealPCB for fining #AzamKhan for displaying a sticker on his bat in support for #Palestine. Boycott the board & it's activities until the address this issue. #FreePalestine 🇵🇸 pic.twitter.com/W8cszs0Vm1
— Yas 🇵🇸 (@YassarAltaf99) November 26, 2023
ایک صارف نے مسئلہ حل نہ ہونے تک پی سی بی کا بائیکاٹ کرنے کی درخواست کی۔
انٹرنیٹ صارفین اعظم کے اس اقدام کو ’قابلِ احترام‘ قرار دے رہے ہیں اور ان کا ماننا ہے کہ کرکٹر نے فلسطین کی حمایت سے ان کا دل جیت لیا۔
My respect for Azam Khan ♥️
🇵🇸❤️#AzamKhan pic.twitter.com/AxQSizToc9— Babar Azam's World (@Babrazam358) November 26, 2023
کئی صارفین نے اسرائیل کے ساتھ پی سی بی کے لوگو کی تصویر شیئر کرتے ہوئے ’شرمناک‘ لکھا۔
Shame on PCB
Support #AzamKhan ! pic.twitter.com/KhMGDco7CC— Dr. Sana (@_Dr_Sana_K_) November 26, 2023
ایک صارف نے لکھا کہ ’پہلے پی سی بی نے محمد رضوان کو غزہ کے حق میں ٹویٹ ڈیلیٹ کرنے پر مجبور کیا پھر انہوں نے اعظم کو کچھ بھی پوسٹ کرنے کی اجازت نہیں دی اور اب اعظم خان پر جرمانہ عائد کیا گیا ہے‘۔
https://twitter.com/Tehseenqasim/status/1728990438022144114?ref_src=twsrc%5Etfw%7Ctwcamp%5Etweetembed%7Ctwterm%5E1728990438022144114%7Ctwgr%5E97cf93231a2dfcbec3a9fc5b15756b21184871cd%7Ctwcon%5Es1_c10&ref_url=https%3A%2F%2Fwww.aaj.tv%2Fnews%2F30357443
