گوگل نے یوٹیوب کا تجربہ تبدیل کرنے کے لیے پلے ایبلز متعارف کروادیا، یہ ایک دلچسپ خصوصیت ہے جو گیمنگ کو براہ راست ویڈیو اسٹریمنگ پلیٹ فارم پرلاتی ہے۔
اس کا مقصد یہ لگتا یے کہ گوگل یوٹیوب یوٹیوب پر گیمنگ سامعین کے مختلف سیٹ کو بھی راغب کرنے کا خواہشمند ہے تاکہ اسے زیادہ کامیاب مصنوعات بنایا جاسکے۔ تاہم یہ پیشکش فی الحال یوٹیوب پریمیم صارفین کے لیے خصوصی ہے۔
یوٹیوب پلے ایبلز کے بارے میں سب کچھ جانیے
نیا اضافہ صارفین کو اضافی تنصیبات یا علیحدہ ایپس کی ضرورت کے بغیر مختلف گیمز تک فوری رسائی فراہم کرتا ہے۔ یہ ممکنہ طور پر صارفین کو غلطی سے فون پر غیر ضروری ایپس ڈاؤن لوڈ کرنے سے بچائے گا اور پہلے سے کہیں زیادہ یوٹیوب سے منسلک رکھے گا۔
پلے ایبلز صارفین کو براہ راست یوٹیوب ویب سائٹ یا موبائل ایپ پر مختلف گیمز میں ڈوبنے کی اجازت دے گا۔ یہ فیچر فی الحال ٹیسٹنگ سے گزر رہا ہے اور پلیٹ فارم پر آسانی سے شیئر کیے جانے والے گیمز متعارف کرائے جا رہے ہیں۔
آزمائش کے لیے دستیاب ابتدائی کھیلوں میں سے ایک مشہورو معروف ’اینگری برڈز: شو ڈاؤن‘ ہے جو صارفین کیلئے انٹرایکٹو امکانات پلے ایبلز یوٹیوب پر لاتا ہے۔ یہاں برین آؤٹ اور ڈیلی کراس ورڈ یا ایکشن سے بھرپور مہم جوئی جیسے سکوٹر ایکسٹریم اور کینن بالز تھری ڈی جیسی پہیلیاں موجود ہیں۔
یوٹیوب پلے ایبلز تک رسائی کیسے ممکن ہے؟
یوٹیوب نے پہلے ہی اس فیچر کو پیش کرنا شروع کردیا ہے اور بہت سے لوگوں نے اسے دوبارہ شروع کر دیا ہے۔ انڈیا ٹوڈے ٹیک نے بھی اسے دیکھا۔
یوٹیوب پلے ایبلز تک آسانی سے رسائی حاصل کی جاسکتی ہے اور یوٹیوب پریمیم صارفین کے لیے یہ عمل اوربھی آسان ہے۔
صارف کو صرف یوٹیوب ایپ پر جانے اور پروفائل سیکشن پر جانے کی ضرورت ہے۔ جہاں انہیں ”آپ کے پریمیم فوائد“ سیکشن ملے گا ، بس اس پر کلک کریں۔
”تجرباتی نئی خصوصیات کی کوشش کریں“ پر دوبارہ ٹیپ کریں اور آپ ما لاگ ان مکمل ہوجائے گا۔
آپ کو یوٹیوب پر نیا گیمز سیکشن نظر آئے گا ، جن لوگوں کو ابھی تک یہ موصول نہیں ہوا ہے انہیں اپ ڈیٹ کے خود تک پہنچنے کے لیے مزید کچھ ہفتوں کا انتظار کرنا چاہئیے۔
یہ اینڈروئیڈ اور آئی او ایس دونوں آپریٹنگ سسٹم پر موبائل ایپس کے ذریعے قابل رسائی ہے۔
پلے ایبلز کا تجربہ 28 مارچ تک جاری رہے گا۔ اگرچہ گوگل کی جانب سے مکمل رول آؤٹ کے لئے صحیح لانچ کی تاریخ کا تعین نہیں کیا گیا ہے ، لیکن قوی امکان ہے کہ پلے ایبلز کی مستحکم شکل 2024 کی پہلی ششماہی تک دستیاب نہیں ہوگی۔
فی الحال آزمائشی مرحلے میں حصہ لینے کا استحقاق خصوصی طور پر یوٹیوب پریمیم سبسکرائبرز کو دیا گیا ہے ۔
