بانی: عبداللہ بٹ      ایڈیٹرانچیف : عاقل جمال بٹ

بانی: عبداللہ بٹ

ایڈیٹرانچیف : عاقل جمال بٹ

’عمران خان زندہ ہیں لیکن ورثاء میں جائیداد پر تنازع شروع ہوگیا‘

سینیئرلیگی رہنما خواجہ آصف نے بشریٰ بی بی اور لطیف کھوسہ کی مبینہ آڈیو لیک پرردعمل دیتے ہوئے کہا ہے کہ عمران خان ابھی زندہ ہیں لیکن ورثاء میں جائیداد پر تنازع شروع ہو گیا ھے۔

گزشتہ روز بیرسٹر لطیف کھوسہ اور چیئرمین پی ٹی آئی عمران خان کی اہلیہ بشریٰ بی بی کی مبینہ آڈیو لیک سامنے آئی تھی جس میں عمران خان کی دونوں بہنوں کے اُن سے اختلافات کا انکشاف ہوا تھا۔

خواجہ آصف نے اس آڈیو لیک پرردعمل میں سماجی رابطوں کی ویب سائٹ ایکس پرکہا کہ عمران خان حیات ہیں لیکن ان کے ورثاء میں جائیداد پرتنازعے کا آغاز ہوچکا ہے۔

انہوں نے لکھا کہ، ’ کیا کلچر ہے عمران خان کے قریب ترین ساتھیوں نے ان کے خلاف پریس کانفرنسوں کی بھر مارکردی ۔جنہوں نے اقتدارکے مزے لیے انہوں نے ہی پی ٹی آئی چیئرمین کی تمام پالیسیوں کی مذمت کردی۔

خواجہ آصف کے مطابق، ، ’جو چند لوگ آج بھی عمران خان کے ساتھ کھڑے ہیں وہ رُل گئے۔ خالی پلاٹ کی حفاظت کے لیے بزدار 2 کو بٹھا دیا ہےاور رشتے دار خواتین قبضے کے لیے دست و گریباں ہیں‘۔

انہوں نے مزید کہا کہ کہانی کا پلاٹ دلچسپ ہوگیا ہے، خالی پلاٹ کا کیا بنے گا، انتظارفرمائیں۔