انٹر بینک میں روپے کے مقابلے ڈالر کی قیمت میں کمی کا سلسلہ جاری ہے۔

رواں ہفتے کے تیسرے روز کی ابتداء میں ملکی تبادلہ منڈیوں میں ڈالر کی قیمت 37 پیسے کمی کے بعد 284 روپے ایک پیسے پر آگیا ہے۔

واضح رہے کہ گزشتہ روز انٹر بینک میں ڈالر 15 پیسے سستا ہو کر 284 روپے 38 پیسے ریکارڈ کی گئی تھی۔

ایکسچینج کمپنیز ایسوسی ایشن کے مطابق اوپن مارکیٹ میں ڈالر کا بھاؤ 25 پیسے کم ہوکر 285 روپے 25 پیسے پر ہے۔

دوسری جانب پاکستان اسٹاک ایکسچینج میں کاوربار کا مثبت رجحان ہے اور کے ایس ای 100 انڈیکس 336 پوائنٹس بڑھ کر 63 ہزار 293 کی بلند ترین سطح پر پہنچ گیا ہے۔