کراچی/لاہور (نیوز ڈیسک) ملک کے معروف اداکاروں اور فلم سازوںنے سینما گھروں میں مقامی فلموں پر غیرملکی فلموں کو ترجیح دیے جانے پر اپنے ردِعمل کا اظہار کرتے ہوئے اسے شدید تنقید کا نشانہ بنایا ہے۔عالمی وباکرونا سے متاثرہ پاکستان فلم انڈسٹری کی رونقیں بالآخرعیدالفطرپربحال ہوئیں اورشائقین کے لیے 5 فلمیں ریلیزکی گئیں جن کے فلمسازوں نے عوام سے خاصی توقعات وابستہ کررکھی تھیں لیکن ہالی ووڈ فلم ڈاکٹرسٹرینج نے ان تمام امیدوں پرپانی پھیردیا ہے۔

اس صورتحال پر شوبز سٹارز ندایاسر،عدنان صدیقی ، امرخان، شازیہ وجاہت، مصطفی قریشی،ارسلان نصیر، دنانیرمبین، فرحان سعید،عدنان صدیقی، حریم فاروق ،کنزہ ہاشمی اور دیگر نے اپنے ردعمل کا اظہار کیاہے۔فلم دم مستم کے پروڈیوسراداکارعدنان صدیقی نے کہا کہ بیرونی فلم کا ہماری اسکرینزپرقبضہ اوراپنی فلموں کو نظرانداز کرنا کوئی اچھی بات نہیں۔اداکارہ امرخان نے ویڈیوپیغام میں تحفظات کااظہار کیا۔

فرحان سعید نے بھی ٹویٹ میں اظہار یکجہتی کیا۔حریم فاروق نے بھی ٹویٹ میں سوال اٹھایا کہ آخرہالی ووڈ فلم کی ریلیز کچھ دن تاکیرکاشکار کیوں کی نہیں کی جاسکتی تھی۔چکرکی پروڈیوسرندایاسرنے بھی اس معاملے کے خلاف سب کو متحد ہونے کیلئے کہا۔