متعدد خبر رساں اداروں اور علامی ماہرین نے اسرائیل نیوز چینل ”چینل 12“ کے حوالہ دیتے ہوئے دعویٰ کیا ہے بین الاقوامی عدالت نے اسرائیل سے فوری طور پر فائر بند کرنے کا مطالبہ کیا ہے۔
بین الاقوامی عدالت انصاف (آئی سی جے)، جسے بعض اوقات عالمی عدالت انصاف کے نام سے بھی پکارا جاتا ہے، ملکوں کے درمیان تنازعات کو حل کرنے کے لیے اقوام متحدہ کا ایک ادارہ ہے۔
دوسری جانب اسرائیلی اخبار ”ہاریٹز“ کا کہنا ہے کہ ’اس معاملے سے نمٹنے والے ایک سینئر قانونی ماہر نے حالیہ دنوں میں آئی ڈی ایف کے سربراہ بشمول چیف آف اسٹاف ہرزل حلوی کو خبردار کیا ہے کہ اس بات کا حقیقی خطرہ ہے عدالت اسرائیل کو جنگ بندی کیلئے حکم امتناعی جاری کرے گی‘
قانونی ماہر نے اسرائیلی حکام کو کہا کہ اسرائیل عدالت کے فیصلوں کا پابند ہے۔
جمعہ کو جنوبی افریقہ نے بین الاقوامی عدالت سے ایک فوری حکم نامے کی درخواست کی تھی جس میں کہا گیا تھا کہ اسرائیل حماس کے ساتھ جنگ میں 1948 کے نسل کشی کنونشن کے تحت اپنی ذمہ داریوں کی خلاف ورزی کر رہا ہے۔
جنوبی افریقہ کئی عشروں سے اسرائیل کے زیر قبضہ علاقوں میں ریاست کے قیام کے فلسطینی مؤقف کی حمایت کر رہا ہے۔
وہ فلسطینیوں کے حالات کو نسل پرستی کے دور میں جنوبی افریقہ میں سیاہ فام اکثریت سے مشابہہ قرار دیتا ہے۔ اسرائیل اس موازنے کی سختی سے تردید کرتا ہے۔
چینل 12 کے مطابق بین الاقوامی عدالت برائے انصاف (آئی سی جے) نے یہ مطالبہ دنیا کو ’علاقائی جنگ سے بچانے کے لیے‘ کیا ہے۔
https://twitter.com/MarioNawfal/status/1742369121315008984?ref_src=twsrc%5Etfw%7Ctwcamp%5Etweetembed%7Ctwterm%5E1742369121315008984%7Ctwgr%5E7db1fabe567aa6099b24b3e346699ca39350f14e%7Ctwcon%5Es1_c10&ref_url=https%3A%2F%2Fwww.aaj.tv%2Fnews%2F30363855
⚡️Channel 12 Hebrew:
The International Court calls on #Israel to immediately cease fire to avoid a regional war— Middle East Observer (@ME_Observer_) January 3, 2024
جنوبی افریقہ کے بین الاقوامی تعلقات عامہ اور تعاون کے محکمے کے ترجمان کلیسن مونیلا ”ایکس“ پر جاری اپنی ایک پوسٹ میں کہا ہے کہ جنوبی افریقہ کی نمائندگی کرنے والے وکلاء 11 اور 12 جنوری کو طے شدہ سماعت کے لیے تیاری کر رہے ہیں۔
