اسلام آباد (مانیٹرنگ ڈیسک) ن لیگی حکومت نے لانگ مارچ سے قبل تحریک انصاف کے 700 رہنماؤں کو گرفتار کرنے کا منصوبہ تیار کرلیا۔
تفصیلات کے مطابق وفاقی حکومت نے تحریک انصاف کے 70ْ0 رہنماؤں اور کارکنوں کی فہرست تیار کرلی، جنہیں سابق وزیر اعظم عمران خان کے اعلان کردہ لانگ مارچ سے قبل ملک بھر سے گرفتار کیا جائے گا۔
نجی ٹی وی کے مطابق فہرست میں زیادہ پی ٹی آئی کے کچھ سرکردہ رہنما اور کارکنان بھی شامل ہیں
رپورٹس کے مطابق حکومت کی جانب سے 700 افراد میں تین سو پچاس پنجاب، دو سو خیبر پختونخوا اور ڈیڑھ سو سندھ سے ہیں۔
حکومت نے پی ٹی آئی کے700 لوگوں کی فہرست تیار کر لی۔لسٹ میں ذیادہ تر نمایاں کارکن اور چند رہنما بھی شامل ہیں۔ان افراد کی گرفتاریاں کی جائیں گئ۔ ذرائع
ان میں 350پنجاب اور 200کے پی اور 150 سندھ سے ہیں۔فہرست پولیس اور قانون نافذ کرنیوالے اداروں کو دی گئی ہے #MarchAgainstlmportedGovt pic.twitter.com/pe2dKAY4bP— Naeem Ashraf Butt (@naeemashrafbut3) May 14, 2022
نجی ٹی وی نے دعویٰ کیا ہے کہ پی ٹی آئی سے تعلق رکھنے والے افراد کی فہرست پولیس کے حوالے کردی گئی ہے۔
واضح رہے کہ وزیر داخلہ رانا ثناء اللہ نے حال ہی میں پی ٹی آئی قیادت کو دھمکی دیتے ہوئے کہا تھا کہ میں چاہوں تو عمران خان اسلام آباد میں 20 ہزار کیا 20 افراد کو بھی اکٹھا نہیں کر سکیں گے۔
وزیر داخلہ کا کہنا تھا کہ مارچ کے حوالے سے نرمی یا سختی کرنا میرا اختیار نہیں ، پی ٹی آئی کے لانگ مارچ کے حوالے سے پالیسی کابینہ بنائے گی۔
