بانی: عبداللہ بٹ      ایڈیٹرانچیف : عاقل جمال بٹ

بانی: عبداللہ بٹ

ایڈیٹرانچیف : عاقل جمال بٹ

غنودگی میں بچی کوجُھولے کے بجائے اوون میں رکھ دینے والی ماں گرفتار

امریکی ریاست مسوری میں پولیس نے ایک 26 سالہ عورت کو اپنی ہی بچی کے قتل کے الزام میں گرفتار کرلیا ہے۔ اس عورت نے غلطی سے بچی کو اوون میں رکھ دیا تھا۔

26 سالہ ماریا ٹامس کو کچھ دیر کی نیند لینا چاہتی تھی۔ اسے ایک ماہ کی بچی کو جھولے میں ڈالنا تھا مگر غنودگی میں اس نے بچی کو اوون میں رکھ دیا اور سوگئی۔

اوون سے نکالے جانے پر بچی کو مردہ قرار دے دیا گیا۔ اسکائی نیوز نے بتایا کہ یہ واقعہ اِسی ہفتے اس وقت سامنے آیا جب کینساس سٹی پولیس کو اطلاع ملی کہ ایک نومولود کو سانس لینے میں دشواری کا سامنا ہے۔

ڈیلی ایکسپریس یو ایس نے بتایا کہ بچی کے کپڑے سیاہ ہوچکے تھے اور پورے گھر میں دھویں کی بو پھیلی ہوئی تھی۔

بچی کے دادا نے بتایا کہ ماریا نے اسے فون کرکے بتایا تھا کہ بچی کی حالت اچھی نہیں۔ جب وہ گھر پہنچے تو دیکھا کہ دھواں پھیلا ہوا ہے اور بچی جھولے میں پڑی ہے۔