پاکستان تحریک انصاف کے مرکزی جنرل سیکرٹری اسدعمر نے ڈاکٹر شیریں مزاری کے اغواء کی شدید مذمت کرتے ہوئے ان کی فوری رہائی کامطالبہ کردیا،انہوں نےملک بھر میں کارکنان کو پرامن مگر بھرپور احتجاج کی ہدایات دے دیں ،
پاکستان تحریک انصاف کے مرکزی میڈیاسیل کے مطابق اسد عمر کاکہناتھاکہ مپورٹڈ حکومت مکمل طور پر بوکھلا چکی ہے،کارکنان کو ملک بھر میں ڈاکٹر مزاری کو غیرقانونی حراست میں لئے جانے پر بھرپور احتجاج کی ہدایات دے دی ہیں،بیرونی سازش سے مسلط حکومت نے اپنے دور کی ابتداء توہینِ مذہب کے شرمناک استعمال سے کی،
گزشتہ شب بزدل امپورٹڈ سرکار نے اسلام آباد میں کارکنان کو ہراساں کرنے کی کوشش کی،ایک بیہودہ اور مضحکہ خیز مقدمے کے ذریعے ڈاکٹر مزاری کے اغواء سے قانون کی عملداری سے گھناؤنا مذاق کیا گیا،
ڈاکٹر شیریں مزاری کو تمام قانونی تقاضے پامال کرتے ہوئے نہایت بھونڈے طریقے سے اغواء کیا گیا،انہوں نے کہاکہامپورٹڈ حکومت کے آمرانہ ہتھکنڈے حقیقی آزادی کی راہ میں رکاوٹ نہیں بن سکتے،امپورٹڈ کٹھ پتلی سرکار کا جانا ٹھہر گیا ہے، حقیقی آزادی کی اپنی تحریک سے ایک انچ پیچھے نہیں ہٹیں گے،لرزتی کانپتی امپورٹڈ سرکار ہوش کے ناخن کے اور ڈاکٹر مزاری کو فوری بازیاب کروائے
