اسلام آباد(نیوز ڈیسک )وزیرِ اعظم شہباز شریف کو بلوچستان کے جنگلات میں آگ پر قابو پانے کیلئے جاری آپریشن پر تفصیلی رپورٹ پیش کردی گئی،وزیرِ اعظم شہباز شریف نے 21 مئی کو لاہور میں منعقدہ ہنگامی اجلاس میں آگ پر قابو پانے کیلئے آپریشن کو مزید تیز کرنے کے حوالے سے ہدایات جاری کی تھیں،

آگ پر قابو پانے کیلئے وزیرِ اعظم کی ہدایات پر وفاقی و صوبائی اداروں کے تعاون سے ٹیمیں تشکیل دے دی گئیں،کمشنر ژوب کی علاقے میں ایمرجنسی نافذ، سیکٹری جنگلات و جنگلی حیات کی طرف سے آپریشن کی نگرانی کیلیے کنٹرول روم قائم کردیاگیا،رپورٹ میں کہاگیاکہ چیف سیکٹری بلوچستان، سیکٹری جنگلات اور ڈی جی PDMA نے آپریشن کی نگرانی کیلئے آگ کی جگہ کا دورہ کیا،شیرگالی، زرگون زوار، تورگھر اور تکئی میں محکمہ جنگلات کی طرف سے 300 سے زائد افراد پر مشتمل ٹیمیں آپریشن میں حصہ لے رہی ہیں،آپریشن کے حوالے سے وزیرِ اعظم کے نمائندہِ خصوصی وفاقی وزیرِ ہاؤسنگ مولانا عبدالواسع نے ژوب میں اجلاس کی صدارت کی

جس میں وزیرِ اعلی بلوچستان، وفاقی و صوبائی اداروں کے عہدیداران، کمانڈر 12 کور شامل تھے،ضلع شیرانی میں وزیرِ اعظم کی ہدایت پر سیکٹری جنگلات و جنگی حیات بلوچستان کی سربراہی میں ٹاسک فورس کو قائم کر دی گئی،اسکے علاقے “ویلیج اور ایریا فائر کنٹرول کمیٹیوں” کا نوٹیفیکیشن بھی جاری کردیاگیا،

آگ سے بچاؤ اور مزید پھیلنے سے روکنے کیلئے PDMA کی طرف سے ریسکیو گاڑیاں اور فائر فائٹنگ کا سامان فراہم کر دیا گیا،اسکے ساتھ ساتھ NDMA کی طرف سے بھی آگ بجھانے کیلئے سامان فراہم کیا جا رہا ہے،پاک فوج کی طرف سے دو ہیلی کاپٹرز فراہم کرنے کے ساتھ ساتھ آرمی بیس کیمپ قائم کر دیا گیا جو آپریشن میں مدد فراہم کر رہا ہے