بانی: عبداللہ بٹ      ایڈیٹرانچیف : عاقل جمال بٹ

بانی: عبداللہ بٹ

ایڈیٹرانچیف : عاقل جمال بٹ

اسلام آباد کے بلدیاتی انتخابات کیوں نہیں کرائے گئے؟ عدالت نے حکومت سے جواب طلب کرلیا

اسلام آباد ہائیکورٹ نے اسلام آباد کے بلدیاتی انتخابات نہ کرانے پر حکومت سے جواب طلب کرلیا۔ **

جسٹس ارباب محمد طاہرنے چار صفحات پرمشتمل تحریری حکم نامہ میں کہاکہ اسلام آباد ہائیکورٹ کے سنگل بنچ نے31 دسمبرکوبلدیاتی انتخابات کا حکم دیا ڈویژن بینچ کے 2مارچ 2023 کے حکم پربھی تاحال عمل درآمد نہ ہوسکا۔

تحریری حکم نامے میں کہا گیا کہ ذبح خانے سے متعلق کیس میں ایڈمنسٹریٹر اسلام آباد کی تعیناتی سے متعلق کے اختیارات پر سوال اٹھایا گیا۔

تحریری حکم نامے میں کہا گیا قانون کے مطابق ایڈمنسٹریٹرمیونسپل کارپوریشن کا تقرر6 ماہ کیلئے کیاجا سکتا ہے۔ عدالت نے ایڈمنسٹریٹر میونسپل کارپوریشن آئندہ سماعت تحریری رپورٹ جمع کرانے کی ہدایت کرتے ہوئے کہاکہ ایڈمنسٹریٹربتائیں کہ کیا پارلیمنٹ نے لوکل گورنمنٹ ایکٹ کے تحت انکی مدت میں توسیع کی؟ کیس کی سماعت 29 مئی کو مقررکی گئی ہے۔