وزیر دفاع خواجہ آصف نے کہا ہے کہ ایوان کی گیلری میں بیٹھے ہوئے لوگ جب نعرے لگاتے ہیں تو یہ ایوان کی توہین ہے، گیلری میں آئے مہمانوں کی تعداد کم ہونی چاہیے۔

قومی اسمبلی اجلاس میں اظہار خیال کرتے ہوئے خواجہ آصف نے کہا کہ پارلیمنٹ سے متعلق میرا خدشہ سکیورٹی کا ہے، ایک پارٹی سے منسلک لوگ ایوان میں آئے اور نعرے لگائے۔

خواجہ آصف نے یہ بھی کہا کہ یہ پارلیمنٹ ہاؤس ہے موچی دروازہ یا ڈی چوک نہیں ہے۔