اسلام آباد(مانیٹرنگ ڈیسک )سینئر اداکار آغا کشور سجاد طویل علالت کے بعد انتقال کر گئے ،وہ کچھ عرصے سے علیل تھے،ان کی نماز جنازہ شاہ دیاں ٹالیاں قبرستان روالپنڈی میں ادا کی گئی ۔مرحوم سجاد کشور پاکستان فلم اور ڈراما انڈسٹری کی نامور شخصیت تھے،سجاد کشور نے 60 سال سے زیادہ فنی کیریئر میں بے شمار فلموں اور ڈراموں میں کام کیا، حکومت پاکستان کی جانب سے سجاد کشور کو ان کی فنی خدمات پر تمغہ امتیاز بھی دیا جاچکا ہے۔