سوات:  مسافر کوچ گہری کھائی میں گرنے سے 5افراد جاں بحق جبکہ 10 زخمی ہوگئے۔
افسوسناک حادثہ مالم جبہ رانگاہ کےقریب پیش آیا جہاں کوسٹر گاڑی گہری کھائی میں جاگری، حادثے میں 5 افراد موقع پر دم توڑ گئے جبکہ 10 زخمی ہوگئے۔
حادثے کی اطلاع ملتے ہی پولیس اور ریسکیو ٹیمیں موقع پرپہنچ گئیں، جاں بحق ہونیوالوں کی لاشیں اور زخمیوں کو سیدو شریف ہسپتال منتقل کردیا گیا۔
پولیس ذرائع کے مطابق زخمیوں میں سے پانچ افراد کی حالت تشویشناک ہے جس کے باعث ہلاکتوں میں اضافے کا خدشہ ہے۔