بیجنگ(ممتازنیوز)وزیراعظم شہباز شریف نے کہاکہ پاکستان اور چین کے درمیان دیرینہ برادرانہ تعلقات ہیں جو وقت کے ساتھ مزید مضبوط ہو رہے ہیں،بیرونی سرمایہ کاری کے لئے آسانیاں پیدا کی جا رہی ہیں۔اس حوالے سے خصوصی سرمایہ کاری سہولت کونسل حکومت کا ایک اہم اقدام ہےان خیالات کااظہار انہوں نے چائینہ ناردرن انڈسٹری کارپوریشن (نورینکو) کے چئیرمین سے ملاقات کے دوران کیا۔چیئرمین نورینکو نےمحمد شہباز شریف کے بطور وزیر اعلیٰ پنجاب ترقیاتی منصوبوں کو تیز رفتاری سے مکمل کرنے اور پاکستان اور پنجاب اسپیڈ کا خصوصی ذکرکیااوروزیراعظم کی زیر نگرانی منصوبوں کی رفتار اور معیار پر شہباز شریف کی تعریف کرتے ہوئے کہاکہ آپ کی زیر سایہ لاہور اورنج ٹرین میٹرو کا منصوبہ بر وقت تیار ہوا ،وزیراعظم نے چیئر مین نورینکو کو پاکستان میں مواصلات کے منصوبوں خصوصاً کراچی سرکلر ریلوے میں سرمایہ کاری کی دعوت دی۔