اسلام آباد(صغیر چوہدری )پنجاب حکومت کی جانب سے پروٹیکٹیڈ صارفین کو تقسیم کار کمپنیوں کی جانب سے اوور بلنگ کی شکایات میں اضافہ ہونے لگا ۔ وفاقی وزیرداخلہ محسن نقوی کا پروٹیکٹیڈ صارفین کو اووربلنگ کی شکایات کا سخت نوٹس لے لیا ۔محسن نقوی نے پروٹیکٹیڈ صارفین کو اووربلنگ کرنے والے افسروں اور عملے کو فوری گرفتار کرکے انکے خلاف قانونی کارروائی کا حکم دے دیا ۔ وزیر داخلہ محسن نقوی نے ایف آئی اے کے تمام ڈائریکٹرز کو کاروائی کے لئے خصوصی احکامات جاری کر دیئے ۔مژسن نقوی نے کہا کہ 200 یونٹ استعمال کرنے والے صارفین کے ساتھ ہونے والی ناانصافی کا ازالہ کیا جائے۔ پروٹیکٹیڈ صارفین کو جان بوجھ کر نان پروٹیکٹیڈ کیٹگری میں شامل کرنا مجرمانہ فعل اور سنگین جرم ہے۔ جس کی قطعا اجازت نہیں دی جاسکتی ۔ایف آئی اے تمام صورتحال کا جائزہ لے اور حقائق کی روشنی میں بلا امتیاز ذمہ داروں کے خلاف ایکشن لے۔ وزیر داخلہ نے کہا کہ پروٹیکٹیڈ صارفین کو نان پروٹیکٹیڈ صارفین کی فہرست میں شامل کرنا کسی صورت قابل قبول نہیں کروں گا کیونکہ اوور بلنگ سے پروٹیکٹڈ کیٹگری تبدیل ہونے سے صارفین پر کروڑوں روپے کا اضافی بوجھ پڑا۔پروٹیکٹیڈ صارفین پہلے ہی مشکلات کا شکار ہیں۔ اووربلنگ سے ان کی مشکلات مزید بڑھ گئی ہیں۔ پروٹیکٹیڈ صارفین کی جانب سے اووربلنگ اور ناانصافی کا مکمل ازالہ کیا جائے ۔