لاہور (ممتازنیوز) سینئرصوبائی وزیرمریم اورنگزیب نے کہاکہ وزیراعلیٰ پنجاب مریم نواز شریف سرسبزو شاداب اورپرافزاءپنجاب کے لیے پرعزم ہیں۔ ضلع سیالکوٹ کے موضع ٹھکر کے میں بااثر افراد کے زیر قبضہ تقریبا 34 ایکڑ رقبہ واگزار کروا لیا،محکمہ جنگلات نے عدالتی کارروائی میں اپنے کیس کا دفاع کیا اور کیس کا فیصلہ اپنے حق میں کروایا۔واگزار کروائے گئے رقبہ پر محکمہ جنگلات نے فوری طور پر 40656 پودوں کی شجر کاری مکمل کر لی ہے۔ یہ رقبہ مستقبل میں سموگ میں کمی کاباعث اور خوبصورت و مفید جنگل کی شکل اختیار کرے گا،محکمہ جنگلات نے موقع پر اپنی چیک پوسٹ و دفتر قائم کر لیا۔
مریم اورنگزیب نے محکمہ جنگلات کے عملے کی کارکردگی کو سراہا،فأرسٹ ٹیم نےواگزارشدہ رقبہ کا دورہ کیا، شجرکاری کے عمل کا مشاہدہ، بذریعہ جی ائی ایس لیب کے ڈرونز سے رقبے کی پیمائش اور شجرکاری کے عمل کی ریکارڈ فوٹیج بنائی۔