ممبئی (نیوز ڈیسک )بھارتی معروف گلوکار شبھ دیپ سنگھ سدھو المعروف سدھو موسے والا کے ق ت ل کے بعد ممبئی پولیس کی جانب سے سُپر اسٹار سلمان خان کی سیکیورٹی بڑھادی گئی ہے۔ بھارتی میڈیا رپورٹس کے مطابق سدھو موسے والا کے ق ت ل کے بعد گینگسٹر لارینس بشنوئی کی جانب سے سلمان خان کو بھی موت کے گھاٹ اتارے جانے کا خدشہ ہے

جس کے پیشِ نظر ممبئی پولیس نے سلمان خان کی سیکیورٹی میں پہلے سے زیادہ اضافہ کر دیا ہے۔بھارتی میڈیا سے بات کرتے ہوئے ممبئی پولیس کے ترجمان کا کہنا تھا کہ سلمان خان کے گھر اور اُن کے گرد سیکیورٹی بڑھادی گئی ہے، اس بات کو یقینی بنایا جا رہا ہے کہ سلمان خان کے گھر کے باہر کسی قسم کی کوئی مشکوک حرکت نہ ہو۔

سلمان خان کو جان سے مارنے کی دھمکی
واضح رہے کہ اس سے قبل 2018ء میں پنجابی گلوکار سدھو موسے والا کو ق ت ل کرنے والے گینگ کے سرغنہ لارینس بشنوئی کی جانب سے سلمان خان کو جان سے مارنے کی دھمکی دی گئی تھی مگر سلمان خان اس منصوبے سے بچ نکلے تھے۔بھارتی میڈیا رپورٹس کے مطابق گینگسٹر لارینس بشنوئی اور سدھو موسے والا کو ق ت ل کرنے والے گولڈی برار کا گینگ کافی منظم اور متحرک ہے، ان دونوں کے 700 سے زائد کارندے ہیں جو کہ راجستھان، ہماچل پردیش، پنجاب اور دیگر ریاستوں میں پھیلے ہوئے ہیں۔دوسری جانب سدھو موسے والا کے ق ت ل کے نتیجے میں ریاست پنجاب اور اترکھنڈ میں پولیس نے متعدد کارروائیوں کے دوران 8 سے زائد افراد کو گرفتار کر لیا ہے۔پولیس نے واقعے کی سی سی ٹی وی فوٹیج بھی حاصل کرلی ہے اور تفتیش کا دائرہ بھی بڑھا دیا گیا ہے۔

سدھو موسے والا کو ق ت ل کیوں کیا گیا؟
بھارتی میڈیا کی جانب سے دعویٰ کیا جا رہا ہے کہ لارینس بشنوئی گینگ کے مطابق سدھو موسے والا نے اِن کے ایک کارندے کو ق ت ل کروانے میں کردار ادا کیا تھا، یہ وجہ ہے کہ اُنہوں نے بدلے میں گلوکار کو ق ت ل کیا ہے۔

لارینس بشنوئی گینگ اور سربراہ
بھارتی وہیب سائٹ ’انڈیا ٹوڈے‘ کے مطابق گلوکار کو ق ت ل کرنے والا گولڈی برار ایک خطرناک دہشت گرد اور لارینس بشنوئی گینگ کا کارندہ ہے، گولڈی برار اور لارینس بشنوئی دونوں اس گینگ کے سربراہ ہیں۔

گینگ کا ایک سربراہ لارینس بشنوئی اس وقت بھارت کی بدنام زمانہ جیل ’تہاڑ‘ میں قید ہے۔