بھارتی پنجاب کے مشہور نوجوان گلوکار سدھو موسے والا کی آخری رسومات کے دوران انہیں دلہا بنانے کی تصاویر وائرل ہورہی ہیں، جس پر مداحوں کے ذہنوں میں تجسس پایا گیا کہ ایسا کیوں کیا گیا لیکن اب اس کی وجہ سامنے آگئی ۔بھارتی میڈیا کے مطابق پنجابی گلوکار سدھو موسے والا کو 29 مئی کو ضلع مانسا کے گاؤں جواہرکے میں نامعلوم حملہ آوروں نے فائرنگ کرکے قتل کردیا تھا، گزشتہ روز ان کی آخری رسومات ادا کی گئی۔آخری رسومات کی ادائیگی کیلئے سدھو موسےوالا کی لاش کو ان کے پسندیدہ ٹریکٹر 5911 میں لے جایا گیا تھا جبکہ ان کے دلہا بھی بنایا گیا تھا۔بھارتی میڈیا کے مطابق سدھو موسےوالا کو دلہا بنانے کی وجہ پنجابی روایت ہے جس کے تحت اگر مرنے والا شخص جوان اور کنوارہ ہو تو اس کی آخری رسومات دلہا بنا کر ادا کی جاتی ہیں۔خیال رہے کہ سدھو موسےوالا نومبر 2022 میں رشتہ ازدواج میں منسلک ہونے والے تھے، سدھو کا رشتہ ‘اماندیپ کور’ سے ہوا تھا جن کا تعلق کینیڈا سے ہے۔