امریکہ کے سابق  وزیر دفاع لیون ایڈورڈ پنیٹا نے   اسرائیل کے ٹارگٹڈ پیجر حملے کو ”دہشت گردی کی ایک شکل“ قرار دے دیا۔

سی آئی اے کے سابق ڈائریکٹر لیون پنیٹا نے اتوار کو سی بی ایس کو انٹرویو دیتے ہوئے کہاکہ گذشتہ ہفتے اسرائیل کے ٹارگٹڈ پیجر حملے  ”دہشت گردی کی ایک شکل“ ہیں
یہ پوچھے جانے پر کہ کیا ان کے خیال میں اس کارروائی کے لیے اسرائیل کی مذمت کی جانی چاہیے، انہوں نے کہا، ’دنیا کی اقوام کو اس بارے میں سنجیدہ بحث کرنے کی ضرورت ہے‘۔

لیون پنیٹا کا کہنا ہے کہ اسرائیل کا لبنان میں پیجر حملہ دہشتگردی ہے، اسرائیل جنگ میں دہشتگردی کر رہا ہے۔
سابق امریکی وزیر دفاع نے کہا کہ ڈیوائسز میں بارودی مواد رکھنا دہشتگردی ہے، دنیا کو اس معاملے پر توجہ دینا بہت ضروری ہے۔
انہوں نے خبردار کردتے ہوئے کہا کہ لکھ لیں ایسی کارروائیوں کو نہ روکا گیا تو یہ مستقبل کی جنگ ہوگی۔