چیمپئنز ٹرافی کے سلسلے میں تیاریاں عروج پر ہیں ، پاک بھارت میچ کیلئے براڈ کاسٹرز نے بھارتی کرکٹ بورڈ سے رابطہ بھی کر لیاجبکہ اس حوالے سے تجاویز دینے کا سلسلہ بھی شروع ہو گیا۔
نجی ٹی وی کے مطابق براڈ کاسٹرز نے بھارتی بورڈ سے رابطہ کرتے ہوئے تجویز دی کہ بھارت کے تینوں میچز لاہور میں رکھنے کی بجائے ایک میچ راولپنڈی میں رکھ دیا جائے تو بہتر ہوگا۔
بھارتی میڈیا کا کہناہے کہ بھارتی کرکٹ بورڈ نے براڈکاسٹرز کی تجویز کے حوالے سے پی سی بی سے رابطہ کیا پی سی بی نے جواب دیا کہ ہم چاہتے ہیں کہ بھارت کو کو ہر طریقے سے سہولیات اور آرام مہیا کیا جاسکے، بھارتی ٹیم کی سہولت اور ویزہ پالیسی کو مدنظر رکھ کر ایک ہی جگہ تین میچز کروانے کا فیصلہ کیا تھاْ
پی سی بی کا کہناتھا کہ بھارتی ٹیم اور شائقین اگر ایک ہی جگہ موجود ہونگے تو زیادہ بہتر ہوگا نہیں تو راولپنڈی جانا چاہتے وہاں بھی بہترین سہولیات دیں گے، دوسرے سے تیسرے میچ میں دس دن کا گیپ ہے اگر بھارتی ٹیم چاہے تو میچ کھیل کر ٹریننگ کیلئے چندی گڑھ یا دہلی جاسکتی ہے میچ والے دن یا پہلے پاکستان آجائے، پاکستان کرکٹ بورڈ بھارتی ٹیم کا بہت خیال رکھے گا لاہور ہو یا راولپنڈی آپ جہاں مطمئن ہیں وہاں آسائش دی جائے گی۔
پی سی بی کا بی سی سی آئی سے مکالمہ ہوا کہ چندی گڑھ یا دہلی کی تجویز دینے کا مطلب سکیورٹی مسائل نہیں ہیں، دہلی یا چندی گڑھ میں بھارتی ٹیم پریکٹس کیلئے جانا چاہتی تو یہ تجویز انکے آرام کیلئے دی ہے۔