سینیٹر فیصل واوڈانے دعویٰ کیا ہے کہ کوئی ساتھ دے یا نہ دے، 26 ویں آئینی ترمیم پاس ہونے جا رہی ہے۔
پارلیمنٹ ہاؤس کے باہر میڈیا سے گفتگو کرتے ہوئے فیصل واوڈا نے کہا کہ کوئی ساتھ دے یا نہ دے، 26 ویں آئینی ترمیم پاس ہونے جا رہی ہے اگر ساتھ دیں گے تو عزت بچ جائے گی اور اگر نہ آئے تو ترمیم ہوجائے گی لیکن عزت نہیں رہے گی۔
ان کا کہنا تھا کہ ہیرو سے زیرو ہونے میں دیر نہیں لگتی، یہ رونا دھونا کرتے رہیں گے اور ترمیم پاس ہو جائیگی، اگر سمجھتے ہیں کہ کسی کو اٹھایا، تشدد کیا یا پیسے دیئے تو سمجھتے رہو، سوچنے پر کوئی قید نہیں، جس نے جو الزام لگانا ہے وہ لگاتا رہے۔
پی ٹی آئی قیادت پر تنقید کرتے ہوئے فیصل واوڈا نے کہا کہ بکاؤ مال کی شکلیں آج آپ سب نے دیکھی لی ہوں گی، تحریک انصاف نے عملی طور پر اس حکومت کو تسلیم کر لیا ہے۔
ان کاکہناتھاکہ پی ٹی آئی گورنمنٹ کے ساتھ بیٹھی اور بانی پی ٹی آئی سے ملاقات کی فرمائش کی۔
انہوں نے کہا کہ بانی پی ٹی آئی کو بیچ کر یہ لوگ خود مزے لے رہے ہیں۔