اسلام آباد(نیوز ڈیسک) وزیراعظم محمد شہباز شریف نے جسٹس یحییٰ آفریدی کو چیف جسٹس آف پاکستان کا حلف اٹھانے پر مبارکباد پیش کی ہے۔ وزیراعظم نے چیف جسٹس یحییٰ آفریدی کے لیے نیک خواہشات کا اظہار کرتے ہوئے کہا کہ ان کا وسیع تجربہ، دانشمندی، اور قانونی علم عدلیہ کو انصاف کی فراہمی اور قانون کی بالادستی کو مضبوط بنانے میں مددگار ثابت ہوگا۔

وزیراعظم نے اس یقین کا اظہار کیا کہ جسٹس یحییٰ آفریدی کی قیادت میں عدلیہ دیانتداری سے پاکستانی عوام کو عدل و انصاف فراہم کرتی رہے گی۔