کراچی میں آئندہ 24 گھنٹوں کے دوران مطلع صاف رہنے کا امکان ہے۔

محکمۂ موسمیات نے شہرِ قائد میں صبح میں ہلکی دھند چھائی رہنے کا امکان بھی ظاہر کیا ہے۔

محکمۂ موسمیات کے مطابق کراچی میں آج کم سے کم درجہ حرارت 20.5 ڈگری سینٹی گریڈ ریکارڈ ہوا ہے۔

محکمۂ موسمیات نے مزید بتایا کہ اگلے 24 گھنٹوں کے دوران کم سے کم درجہ حرارت 19 سے 21 ڈگری سینٹی گریڈ تک رہنے کا امکان ہے۔

محکمۂ موسمیات کے مطابق شہر کی فضا میں نمی کا تناسب 90 فیصد ریکارڈ ہوا ہے جبکہ یہاں شمال مشرق کی سمت سے ہوائیں چل سکتی ہیں۔