کراچی میں سی ویو پر آئل ریفائنری کی پائپ لائن میں لیکیج کے باعث فرنس آئل سڑک پر پھیل گیا تاہم کچھ دیر بعد لائن کی مرمت کردی گئی۔
ایس ایس پی ساؤتھ کے مطابق سی ویو روڈ پر ریفائنری کی لائن میں لیکیج صبح 6 بجے ہوئی تھی۔
ذرائع کا کہنا تھا کہ تیل قریبی رہائشی پروجیکٹ میں بھی داخل ہو گیا تھا۔
لیکیج کی اطلاع پر آئل ریفائنری اور ڈی ایچ اے کا عملہ تیل کے رساؤ کے مقام پر پہنچا تھا۔
آئل ریفائنری کے ذرائع کا کہنا ہے کہ آئل بہنے کی اطلاع پر تیل کی پمپنگ رکوا دی گئی تھی۔
پاک ریفائنری کے ایم ڈی زاہد میر نے بتایا تھا کہ سی ویو سروس روڈ پر ریفائنری لیکیج کی مرمت کے لیے ٹیم روانہ کر دی گئی تھی۔
زاہد میر کا کہنا تھا کہ معاملے کی تحقیقات شروع کر دی گئی ہیں۔
