facebook-domain-verification" content="ck1ojg2es5iiyqif2wy9qloqe1qs4x

بانی: عبداللہ بٹ      ایڈیٹرانچیف : عاقل جمال بٹ

بانی: عبداللہ بٹ

ایڈیٹرانچیف : عاقل جمال بٹ

سعودی فنڈفارڈیولپمنٹ اور پاکستان کے درمیان  1.61ارب ڈالر کے دو معاہدے طے پاگئے

اسلام آباد:سعودی فنڈ فار ڈیویلپمنٹ اور پاکستان کے درمیان مفاہمتی یاداشتوں پر دستخط کی تقریب ہوئی جس میں دونوں ممالک کے درمیان 1.61ارب ڈالر کے دو معاہدے ہوئے۔
 اس حوالے سے تقریب میں وزیراعظم شہبازشریف، وفاقی وزرا، سعودی فنڈ کے سی ای او اور سعودی سفیر شریک ہوئے۔
سعودی فنڈ تیل کی درآمد پر ایک سال کے لیے 1.2 ارب ڈالر کی موخر ادائیگی کی سہولت دے گا۔ جبکہ مانسہرہ میں واٹر سپلائی سکیم کے لیے چار کروڑ 10 لاکھ ڈالر رعایتی نرخوں پر قرض کی فراہمی کی جائے گی۔
دوسری طرف وفاقی وزیر خزانہ اور ریونیو سینیٹر محمد اورنگزیب نے فنانس ڈویژن میں سعودی فنڈ فار ڈویلپمنٹ کے سی ای او سلطان عبدالرحمن المرشد سے ملاقات کی جس میں پاکستان سعودی اقتصادی تعلقات کے مختلف پہلوؤں پر تبادلہ خیال کیا۔
پیر کو وزارت خزانہ کی طرف سے جاری پریس ریلیز کے مطابق ملاقات کے دوران سینیٹر اورنگزیب نے اہم اقتصادی اشاریوں میں بہتری کو اجاگر کرتے ہوئے پاکستان کے میکرو اکنامک استحکام کے بارے میں اپ ڈیٹس شیئر کیں۔
انہوں نے پاکستان اور سعودی عرب کے درمیان دیرینہ شراکت داری پر اظہار تشکر کرتے ہوئے فنڈنگ ​​اور سرمایہ کاری میں سعودی عرب کی مسلسل حمایت کی اہمیت پر زور دیا جس نے پاکستان کی اقتصادی ترقی میں نمایاں کردار ادا کیا ہے۔
میں سعودی فنڈ فار ڈویلپمنٹ کے سی ای او نے میکرو اکنامک استحکام اور نمو کے حوالے سے پاکستان کی پیش رفت کو سراہا جس سے مختلف شعبوں میں کثیر مقصدی سرمایہ کاری کے مواقع کھلے ہیں۔ انہوں نے خاص طور پر پاکستان اور سعودی عرب کے درمیان مزید تعاون کے امکانات کا ذکر کرتے ہوئے مملکت کے سرمایہ کاروں کو مواقع تلاش کرنے کی دعوت دی۔