بیجنگ (نیوز ڈیسک) صدر مملکت آصف علی زرداری نے اپنے دورۂ چین کے دوران بیجنگ میں چین کے قومی ہیروز کی یادگار کا دورہ کیا۔
صدر مملکت نے چین کی آزادی اور ترقی کے لیے اپنی جانوں کا نذرانہ پیش کرنے والے ہیروز کی یادگار پر پھول چڑھائے اور ان کی قربانیوں کو خراج تحسین پیش کیا۔
اس موقع پر صدر آصف علی زرداری نے کہا کہ چین کے ہیروز کی جرات اور بہادری تاریخ کا روشن باب ہیں، جنہوں نے اپنی قوم اور ملک کی خدمت کے لیے بے مثال قربانیاں دیں۔
صدر مملکت کے اس دورے کو پاک چین دوستی کے جذبے کا مظہر قرار دیا جا رہا ہے۔








