کولمبو(ممتاز نیوز )سری لنکا اس وقت بدترین مالی بحران کا شکار ہے۔ ہر شے عوام کی پہنچ سے کوسوں دور ہے۔
سری لنکن وزیر توانائی کی جانب سے عوام کو وارننگ جاری کی گئی ہے کہ ایندھن کا ذخیرہ پانچ دنوں میں ختم ہو جائے گا جس کے بعد یہ خبر سنتے ہی پیٹرول پمپس پر گاڑیوں کی لمبی قطاریں لگ گئیں۔
وہیں سری لنکا کے سابق کرکٹر روشن ماہنامہ عوام کی مدد کرنے پیٹرول پمپس پہنچے اور پیٹرول بھروانے آئے شہریوں کو چائے اور بند تقسیم کیے۔
We served tea and buns with the team from Community Meal Share this evening for the people at the petrol queues around Ward Place and Wijerama mawatha.
The queues are getting longer by the day and there will be many health risks to people staying in queues. pic.twitter.com/i0sdr2xptI— Roshan Mahanama (@Rosh_Maha) June 18, 2022
سابق سری لنکن کرکٹر روشن ماہنامہ نے دارالحکومت کولمبو کے پیٹرول کے لیے اپنی باری کا انتظار کرنے والے لوگوں کو چائے اور بن پیش کیے جس کی تصاویر سوشل میڈیا پر وائرل ہوگئیں اور لوگوں نے انہیں خوب سراہا۔
اس حوالے سے روشن نے ٹوئٹ بھی کی جس میں لکھا کہ ہم نے آج شام کمیونٹی میل شیئر کی، پیٹرول کی قطاروں میں کھڑے لوگوں کے لیے چائے اور بن پیش کیے۔
سابق سری لنکن کرکٹر نے لکھا کہ قطاریں دن بہ دن لمبی ہوتی جا رہی ہیں اور قطاروں میں رہنے والے لوگوں کی صحت کو بہت سے خطرات لاحق ہوں گے۔
اُنہوں نے اپنے ایک اور ٹوئٹ میں کہا کہ براہِ کرم، ایک دوسرے کا خیال رکھیں، مناسب مشروبات اور کھانا ساتھ لے کر لائیں اور اگر آپ کی طبیعت ناساز ہے تو اس کے لیے اپنے کسی قریبی اقارب سے مدد طلب کریں یا 1990 پر کال کریں۔
