اسلام آباد: اپوزیشن اتحادتحریک تحفظ آئین کے صدر، پشتونخوا ملی عوامی پارٹی کے چیئرمین اور پشتون قوم پرست رہنماء محمود خان اچکزئی کی بھارتی جارحیت پر پراسرارخاموشی پرسیاسی اورعوامی حلقوں نے حیرت کااظہارکیاہے۔تفصیلات کے مطابق محمود خان اچکزئی ،جومختلف قومی خصوصاًسیاسی معاملات میں پیش پیش رہتے ہیں،خاص طور پراسٹیبلشمنٹ کے خلاف بیانیے کے حوالے سے شہرت رکھتے ہیں ،موجودہ پاک بھارت کشیدگی پر انہوں نے کوئی ایک بیان بھی جاری نہیں کیا،حتیٰ کہ بھارتی جارحیت کے خلاف قومی اسمبلی میں منظورکی گئی قراردادکے موقع پر بھی وہ ایوان کے اجلاس میں نہیں آئے ،محمودخان کے اس طرزعمل پرسیاسی حلقے حیرت زدہ ہیں اور اس پر سوالات اٹھائے جارہے ہیں،محمودخان اچکزئی نے بلوچستان میں بھارتی مداخلت اور دہشتگردی کے حوالے سے بھی کبھی کوئی واضح بیان نہیں دیاحالانکہ کہ وہ سیاسی معاملات پر اسمبلی کے فلور پرسخت تقاریرکرتے رہتے ہیں اور ایک موقع پرانہوں نے سپیکرسردارایازصادق کو حوالدار کہہ دیاتھاجس پر سپیکرکی طرف سے بھی فوری ردعمل ظاہرکیاگیاتھا۔