راولپنڈی(نیوز ڈیسک) لیبیا کی مسلح افواج کے کمانڈر اِن چیف لیفٹیننٹ جنرل صدام خلیفہ حفتر نے آج جنرل ہیڈ کوارٹرز میں آرمی چیف فیلڈ مارشل سید عاصم منیر سے ملاقات کی۔
آئی ایس پی آر کے مطابق ملاقات میں باہمی دلچسپی کے امور، علاقائی صورتحال ، سیکیورٹی چیلنجز اور دفاعی تعاون سے متعلق امور پر تبادلۂ خیال کیا گیا۔
دونوں رہنماؤں نے عصری سیکیورٹی چیلنجز سے نمٹنے کے لیے دفاعی صنعتی تعاون اور تکنیکی مہارت کے تبادلے پر اتفاق کیا۔
آئی ایس پی آر کے مطابق جی ایچ کیو پہنچنے پر لیفٹیننٹ جنرل صدام خلیفہ حفتر نے پاک فوج کے شہداء کو خراج عقیدت پیش کرنے کے لیے یادگار شہدا ءپر پھولوں کی چادر چڑھائی۔ ان کا پرتپاک استقبال کیا گیا جس کے بعد پاک فوج کے چاق و چوبند دستے نے گارڈ آف آنر پیش کیا۔
