کراچی (شوبز ڈیسک) سوشل میڈیا صارفین نے بیلی ڈانس کی ویڈیو شیئر کرنے پر پاکستان کی معروف اداکارہ مہر بانو کو خوب تنقید کا نشانہ بنایا ہے۔
تفصیلات کے مطابق اداکارہ نے اپنے بیلی ڈانس کی ویڈیو انسٹاگرام پر شیئر کی ہے جس میں انہوں نے مختصر لباس زیب تن کیا ہوا ہے۔ ان کے مداحوں نے ویڈیو کو غیر اخلاقی قرار دیتے ہوئے اداکارہ سے طنزیہ انداز میں پوچھا کہ ایسا کرکے انہیں کیا ملا؟
واضح رہے کہ ماضی میں سوشل میڈیا صارفین اداکارہ مہر بانو کو ان کے بولڈ انداز پر متعدد بار تنقید کا نشانہ بنا چکے ہیں تاہم اداکارہ نے صارفین کی تنقید کو نظر انداز کرتے ہوئے ہمیشہ وہی کیا جو انہیں پسند آیا۔
واضح رہے کہ اداکارہ نے پاکستان کے کئی کامیاب ڈراموں میں بہترین اداکاری کا مظاہرہ کیا اور ان کے کرداروں نے بھی کافی شہرت حاصل کی۔
