لاہور(نیوز ڈیسک) اداکارہ مومنہ اقبال نے ایک حالیہ شو میں شرکت کے دوران اپنی دلچسپ اور مزاحیہ باتوں سے مداحوں کو خوب محظوظ کیا۔ شو میں مختلف سوالات کے جوابات دیتے ہوئے انہوں نے ایک ایسی خواہش کا ذکر کیا جو سن کر سب چونک گئے—اگر انہیں کسی تاریخی شخصیت کے ساتھ کھانے کا موقع ملے تو وہ علامہ اقبال کا انتخاب کریں گی۔ وجہ؟ کیونکہ ان کے اپنے نام میں بھی “اقبال” شامل ہے۔
مومنہ اقبال نےگفتگو کے دوران بتایا کہ کبھی کبھار سیٹ پر وہ ایسا جملہ بول دیتی ہیں جسے بعد میں سوچ کر شرمندگی ہوتی ہے۔ دل میں اکثر خیال آتا ہے کہ یہ بات اکیلے میں کہہ دیتی تو بہتر تھا، سب کے سامنےکیوں کہہ دی۔
انہوں نے یہ بھی انکشاف کیا کہ انسٹاگرام پر کچھ مداح انہیں نہایت عجیب پیغامات بھیجتے ہیں،کوئی انہیں “بیوی” کہہ کر مخاطب کرتا ہے، کوئی ان کی خیریت اور کھانے پینے کے بارے میں پوچھتا ہے۔ مومنہ نے ہنستے ہوئے کہا کہ ایسے لوگوں کے لیے جہنم میں الگ سیکشن بننا چاہیے۔
اپنی پسندیدہ شخصیات کے بارے میں بات کرتے ہوئے مومنہ نے کہا کہ وہ صبا قمر کو بہترین اداکارہ سمجھتی ہیں، جبکہ ہمایوں سعید بھی ان کے فیورٹ ہیں۔ فواد خان کے بارے میں ان کا کہنا تھا کہ وہ کسی بھی اسٹائل کے کپڑوں میں کمال لگتے ہیں، اور خواتین میں صبا قمر ہر انداز بخوبی نبھاتی ہیں۔
آخری سوال پر جب ان سے پوچھا گیا کہ وہ کس تاریخی شخصیت کے ساتھ ڈنر کرنا چاہیں گی، تو مومنہ نے مسکراتے ہوئے فوراً کہا — “علامہ اقبال، کیونکہ اقبال تو میرے نام میں بھی ہے۔”
