چیئرمین جوائنٹ چیفس آف سٹاف کمیٹی جنرل ساحر شمشاد مرزا نے حال ہی میں ازبکستان کا سرکاری دورہ** کیا، جہاں انہوں نے دارالحکومت تاشقندمیں اعلیٰ سطح کی ملاقاتیں کیں اور دونوں ممالک کے درمیان دفاعی تعلقات کو مزید مستحکم بنانے پر تبادلہ خیال کیا۔
آئی ایس پی آر کے مطابق جنرل ساحر شمشاد نے اپنے دورے کے دوران ازبکستان کے صدرشوکت مرزا یوف، وزیر دفاع میجر جنرل شخرات خولموخامیدوف اور قومی سلامتی کونسل کے سیکرٹری لیفٹیننٹ جنرل وکٹر محمدوف سے تفصیلی ملاقاتیں کیں۔
ملاقاتوں میںعالمی اور علاقائی سکیورٹی صورتحال، باہمی دفاعی تعاون اور خطے میں استحکام کے لیے اقدامات پر بات چیت کی گئی۔
ملاقاتوں میں دونوں ممالک نے اس بات پر اتفاق کیا کہ دفاع، سلامتی اور انسداد دہشتگردی جیسے شعبوں میں باہمی تعاون کو مزید فروغ دیا جائے گا۔ جنرل ساحر شمشاد نے اس موقع پر پاکستان اور ازبکستان کے درمیان تاریخی، ثقافتی اور اسٹریٹجک تعلقات کو  برادرانہ اور بااعتماد قرار دیا۔
ان کا کہنا تھا کہ پاکستان خطے میں امن، استحکام اور ترقی کے لیے ازبکستان کے ساتھ مل کر کام کرنے کے لیے پُرعزم ہے۔
ازبک قیادت نے پاکستان کی مسلح افواج کی پیشہ ورانہ صلاحیتوں** کو سراہا اور **دہشت گردی کے خلاف پاکستان کی قربانیوںکو خراجِ تحسین پیش کیا۔ ازبک حکام کا کہنا تھا کہ پاکستان نے خطے میں امن کے لیے جو کردار ادا کیا ہے، وہ قابلِ ستائش اور لائقِ تقلید ہے۔