کراچی میں پولیو کا خطرہ ایک بار پھر سر اٹھانے لگا ہے۔ شہر کے تمام سات اضلاع سے لیے گئے ماحولیاتی نمونوں میں پولیو وائرس کی موجودگی کی تصدیق ہوئی ہے، جو شہری صحت کے لیے ایک سنگین انتباہ ہے۔
وزارت صحت کے ذرائع کے مطابق شہر بھر سے مجموعی طور پر 78 ماحولیاتی نمونے حاصل کیے گئے تھے۔ ان میں سے ضلع شرقی سے 24, کیماڑی سے 15،
جنوبی سے 14، کورنگی اور ملیر سے 7، 7، وسطی سے 6 ،غربی سے 5 نمونے شامل تھے۔
تمام نمونوں میں پولیو وائرس کی موجودگی پائی گئی، جو ظاہر کرتا ہے کہ وائرس خاموشی سے پورے شہر میں موجود ہے۔
شہریوں کے لیے فوری پیغام

ترجمان ایمرجنسی آپریشن سینٹر نے صورتحال پر ردعمل دیتے ہوئے بتایا کہ خوش قسمتی سے تاحال کراچی میں کسی بچے میں پولیو کا تصدیق شدہ کیس سامنے نہیں آیا، مگر ماحولیاتی نمونوں میں وائرس کی موجودگی اس بات کا ثبوت ہے کہ خطرہ منڈلا رہا ہے۔  اسی تناظر میں **یکم ستمبر سے قومی انسداد پولیو مہم کا آغاز کیا جا رہا ہے۔
والدین سے اپیل
حکام نے والدین سے پرزور اپیل کی ہے کہ وہ پولیو ٹیموں سے تعاون کریں اور اپنے پانچ سال سے کم عمر بچوں کو پولیو سے بچاؤ کے قطرے ضرور پلائیں۔ ایک چھوٹا سا قدم، ایک زندگی بھر کی معذوری سے بچاؤ بن سکتا ہے۔