اسلام آباد( صغیر چوہدری ) پاکستان میں سیلاب کے پیچھے بھارت کی آبی دہشتگردی پکڑی گئی،ڈیلی ممتاز دھوکے باز بھارت کے دستاویزی ثبوت سامنے لے آیا ۔ ذرائع کا کہنا ہے کہ حالیہ جنگ میں شرمناک شکست کے بعد بھارت نے پانی کو پاکستان کے خلاف پطور ہتھیار استعمال کیا ہے اور بھارتی وزیر نریندر مودی نے دونوں اطراف کے پنجاب سے سیلابی پانی چھوڑ کر بدلہ لیا ہے دستاویزات کے مطابق 25 جولائی کو بھارت کے ڈیم 43 فیصد بھرے تھے جبکہ یکم اگست کو بھارت کے تینوں ڈیم 55 فیصد تک بھرے لیکن مکار بھارت خاموشی سے ڈیم بھرتا رہا اور بھارت نے اس حوالے سے جان بوجھ کر پاکستان کے ساتھ کوئی ڈیٹا شیئر نہیں کیا۔ذرائع نے بتایا کہ 17 اگست کو بھار ت کو کلاوڈ برسٹ کا معلوم ہو چکا تھا اور دریائے ، راوی اور ستلج کے کیچمنٹ ایریاز میں 17 اگست سے 20 اگست تک کلاوڈ برسٹ ہوئے لیکن بھارت نے پاکستان کو آگاہ نہیں کیا اور نا ہی بھارت نے ڈیموں کو خالی کرنے کے لیے کنٹرول پانی چھوڑا جبکہ ایس او پیز کے مطابق ڈیم کو ایک حد تک خالی رکھنا ضروری ہوتا ہےاس دوران 17 اگست سے مقبوضہ کشمیر کے بالائی علاقوں میں طغیانی شروع ہوچکی تھی اور 22 اگست تک بھارت کے ڈیم 87 فیصد تک بھر چکے تھے۔ذرائع نے دعوی کیا ہے کہ اگر بھارت ذمہ داری کا مظاہرہ کرتے ہوئے یکم اگست سے 22 اگست تک کنٹرول واٹر چھوڑتا تو موجودہ سیلابی صورتحال ہرگز پیدا نا ہوتی۔ بھارت نے پاکستان کو پہلی وارننگ 26 اگست کو دی ۔ ذرائع کے مطابق بھارت نے پہلی وارننگ کے ساتھ ہی دریائے ستلج میں ایک لاکھ کیوسک کا بڑا سیلابی ریلا چھوڑا گیا اور 26 اگست تک ڈیموں کے گیٹ کھول دیئے گئے۔ حیرت کی بات ہے کہ بھارت نے پاکستان کو اس وقت اطلاع دی جب لاکھوں کیوسک پانی سرحد کے قریب پہنچ گیا تھا ۔ ذرائع کا کہنا ہے کہ بھارت نے دریائے راوی سے پانی کا ریلہ چھوڑ کر کرتاپورہ کمپلیکس کو ڈبویا۔ دوسری جانب دریائے ستلج ،بیاس اور راوی پر بھارتی ڈیموں کی تازہ ترین صورت حال کے مطابق بھارت نے اپنے زخائر کا بھی پانی پاکستان کی جانب چھوڑا ہے جبکہ دریائے ستلج پر بھاکڑا ڈیم 16 فیصد خالی کیا گیا ہے ۔دریائے ستلج میں سیلابی ریلوں کے ساتھ 16 فیصد پانی ڈیم سے خارج کیا گیا ہے دریائے بیاس پر پونگ ڈیم دو فیصد خالی کیا گیا ہے دریائے راوی پر تھین ڈیم 8 فیصد خالی کیا گیا ہے تھین ڈیم سے 2 لاکھ ایکڑ فٹ پانی چھوڑا گیا ہے دریائے ستلج پر بھاکڑا ڈیم سے ایک لاکھ 22 ہزار ایکڑ فٹ اضافی پانی چھوڑا گیا ہے ۔