بانی: عبداللہ بٹ      ایڈیٹرانچیف : عاقل جمال بٹ

بانی: عبداللہ بٹ

ایڈیٹرانچیف : عاقل جمال بٹ

وزیر آباد میں بروقت طبی امداد نہ ملنے پر خاتون کے 3 نومولود دم توڑ گئے

وزیرآباد (ویب ڈیسک)وزیر آباد میں خاتون کے تین نومولود بروقت طبی امداد نہ ملنے کے باعث دم توڑ گئے۔

ریسکیو حکام کے مطابق جاں بحق بچوں میں دو بیٹیاں اور ایک بیٹا شامل ہے۔ متاثرہ خاتون نے بتایا کہ گھر پہنچنے کے بعد چند گھنٹوں میں تینوں بچے دم توڑ گئے۔

خاتون کا کہنا تھا کہ مقامی اسپتال سیلابی پانی سے گھرا ہوا تھا، اگر بروقت طبی سہولت مل جاتی تو جانیں بچائی جا سکتی تھیں۔

ضلعی انتظامیہ کے مطابق اطلاع ملنے پر ریسکیو ٹیم پہنچی تو پیدائش ہو چکی تھی۔ ترجمان نے کہا کہ ماں اور بچوں کی حالت بہتر تھی مگر خاتون نے اسپتال جانے سے انکار کردیا۔

واضح رہے کہ خاتون نے 28 اگست کو نالہ پھلکو کے قریب گاڑی میں بچوں کو جنم دیا تھا لیکن سیلابی پانی کے باعث اسپتال نہ پہنچ سکی۔