لاہور (اسپورٹس ڈیسک) کینیڈا سپر 60 لیگ میں تین پاکستانی کرکٹرز ایکشن میں نظر آئیں گے۔ ایونٹ کے لیے فرنچائز ٹیموں کا اعلان کردیا گیا ہے۔ یہ ٹورنامنٹ 8 سے 13 اکتوبر تک وینکوور کے بی سی پلیس اسٹیڈیم میں منعقد ہوگا۔

تجربہ کار اسپنر **سعید اجمل** ماسٹرز میسی سوگا کی نمائندگی کریں گے، جبکہ **شعیب ملک** اور **خواجہ نافع** واریئرز وائٹ روک کی جانب سے میدان میں اتریں گے۔

یہ لیگ اس حوالے سے منفرد ہوگی کہ پہلی بار کینیڈا میں کسی انڈور اسٹیڈیم میں برقی قمقموں کی روشنی میں بین الاقوامی کرکٹ کھیلی جائے گی۔

دیگر ٹیموں میں بڑے نام شامل ہیں۔ سکسرز ٹورنٹو نے **الیکس ہیلز** اور **رحمان اللہ گرباز** کی خدمات حاصل کرلی ہیں، بلٹز برامپٹن نے **پیوش چاؤلہ، ڈیوڈ ویزا، مارٹن گپٹل اور کوئنٹن ڈی کاک** پر انحصار کیا ہے۔ ٹائیگرز مونٹریال نے **شکیب الحسن** اور **اینڈریو ٹائی** کو چنا ہے، جبکہ کنگز وینکوور نے **ریسی وان ڈیر ڈوسن، معین علی اور ڈیوائن پریٹوریس** کو اپنی اسکواڈ میں شامل کیا ہے۔

کرکٹ ماہرین کے مطابق یہ ایونٹ کینیڈین کرکٹ کے لیے ایک تاریخی سنگ میل ثابت ہوسکتا ہے کیونکہ اس سے نہ صرف شائقین کو نیا تجربہ ملے گا بلکہ عالمی اسٹارز کی شرکت سے کرکٹ کے فروغ میں بھی مدد ملے گی۔