کوئٹہ(مانیٹرنگ ڈیسک )بلوچستان کے 18 اضلاع میں آج سے انسداد پولیو مہم شروع کردی گئی جس میں 12 لاکھ سے زائد بچوں کو انسداد پولیو ویکسین کے قطرے پلائے جائیں گے۔

نجی ٹی وی کے مطابق بلوچستان میں 12 لاکھ سے زائد بچوں کو انسداد پولیو ویکسین کے قطرے پلانے کے لیے مہم شروع کردی گئی ہے، ایمرجنسی آپریشن سنٹر کے مطابق بچوں کی ویکسی نیشن کے لیے 4 ہزار 900ٹیمیں تشکیل دی گئیں ہیں۔

ایمر جنسی آپریشن سنٹر کی جانب سے مزید بتایا گیا ہے کہ انسداد پولیو مہم کے دوران کوئٹہ، قلعہ عبداللہ، پشین، چمن، خضدار، نوشکی سمیت دیگر اضلاع کے بچوں کو پولیو کے قطرے پلائے جائیں گے۔