اسلام آباد(سپورٹس ڈیسک) وزیراعظم شہباز شریف نے بطور پیٹرن پاکستان کرکٹ بورڈ، سابق بیوروکریٹ منصور قادر کو پی سی بی کا الیکشن کمشنر تعینات کر دیا۔
منصور قادر نے عہدہ سنبھالنے کے بعد چیئرمین پی سی بی سید محسن نقوی سے ملاقات کی اور انہیں اپنی ذمہ داریوں کے حوالے سے آگاہ کیا۔
اس موقع پر محسن نقوی نے اعتماد کا اظہار کرتے ہوئے کہا کہ امید ہے منصور قادر اپنے فرائض محنت اور ایمانداری سے انجام دیں گے۔
