اسلام آباد (نیوز ڈیسک) سابق گورنر سندھ محمد زبیر نے سوشل میڈیا پر گردش کرنے والی ویڈیو کو سختی سے مسترد کر دیا ہے۔

منگل کو ایکس (ٹوئٹر) پر اپنے بیان میں محمد زبیر نے کہا کہ ایک ویڈیو کلپ جھوٹ پر مبنی ہے جس میں مجھے یہ کہتے ہوئے دکھایا گیا ہے کہ کسی میٹنگ میں نواز شریف اور دیگر نے عمران خان کو قتل کرنے کا فیصلہ کیا۔ یہ ویڈیو مکمل طور پر جعلی اور ایڈیٹڈ ہے۔

There is a video clip circulating in social media in which I am shown to say that in some meeting Nawaz Sharif & others decided to God Forbid kill IK. This is DOCTORED & FAKE clip. I never said this. I have respect for Nawaz Sharif & will never accuse him of any wrongdoing

— Mohammad Zubair (@Real_MZubair) September 9, 2025

انہوں نے واضح کیا کہ انہوں نے کبھی ایسا الزام عائد نہیں کیا اور نہ ہی وہ اس بات کا سوچ سکتے ہیں۔ محمد زبیر نے کہا کہ نواز شریف کے لیے ان کے دل میں عزت و احترام ہے اور وہ ان پر کسی بھی قسم کا بے بنیاد الزام نہیں لگا سکتے۔

سیاسی حلقوں نے کہا ہے کہ سوشل میڈیا پر جعلی ویڈیوز اور پروپیگنڈے کے ذریعے سیاستدانوں کے بیانات کو مسخ کرنے کا رجحان خطرناک شکل اختیار کرتا جا رہا ہے، جس سے عوام میں غلط فہمیاں پیدا کی جاتی ہیں۔

میرا اندازہ یہ ہے کہ مری میٹنگ میں فیصلہ ہوا ہے کہ عمران خان کو ختم ہی کر دیں،
تو یاد رکھیں عمران خان بھٹو سے بہت زیادہ مقبول لیڈر ہے،
اگر عمران خان کو کچھ ہوا تو اس کی قیمت آنے والی کئی نسلوں تک چکانی پڑے گی، اس لیے ہوش کے ناخن لیں۔ محمد زبیر pic.twitter.com/nEkUP6hf1q

— Wahab Khan (@Itx_Wahab123) September 8, 2025