اسلام آباد (ویب ڈیسک) امریکی وزیر خارجہ مارکو روبیو نے پاکستان کے ڈپٹی وزیر اعظم و وزیر خارجہ اسحاق ڈار سے ٹیلی فون پر رابطہ کیا ہے۔
ترجمان دفتر خارجہ کے مطابق دونوں رہنماؤں نے پاکستان اور امریکہ کے تعلقات کو مثبت انداز میں آگے بڑھانے پر اعتماد کا اظہار کیا۔ گفتگو میں باہمی تعلقات کے ساتھ ساتھ حالیہ علاقائی اور عالمی صورتحال پر بھی تبادلہ خیال کیا گیا۔
بیان میں کہا گیا ہے کہ اسحاق ڈار اور مارکو روبیو نے کثیر جہتی شعبوں میں تعاون کو مزید مضبوط بنانے کے عزم کا اعادہ کیا۔
یہ رابطہ ایسے وقت میں ہوا ہے جب قطر میں حماس رہنماؤں پر اسرائیلی حملے کے بعد مسلم ممالک نے شدید تشویش ظاہر کی ہے۔ پاکستان نے اس کارروائی کو عالمی قوانین کی کھلی خلاف ورزی قرار دیتے ہوئے سخت مذمت کی تھی
