بیجنگ میں سی پیک کی14ویں جے سی سی کا آغازہو گیا، پاکستان اور چین کے اعلیٰ حکام شریک ہوئے،جے سی سی اجلاس دونوں ممالک کے وزراء، لائن منسٹریز کے حکام اور شعبہ جاتی ماہرین پرمشتمل ہے،اجلاس کی مشترکہ صدارت پاکستان اورچین کے وزراء منصوبہ بندی کررہے ہیں-وفاقی وزیر پلاننگ کمیشن احسن اقبال نے کہا ہے پاکستان اورچین آہنی بھائی ہیں، اعتماد اورمشترکہ تقدیر میں بندھے ہیں،سی پیک فیز ٹو عوام اور نوجوانوں پر مبنی ترقی کا نیا دور ہوگا،بیجنگ میں 14ویں جے سی سی اجلاس میں پاک،چین تعاون کے نئے باب کا آغازہے،صدر شی جن پنگ کے اقدامات دنیا کو منصفانہ اور جامع بنا رہے ہیں،احسن اقبال نے کہا ہے سی پیک فیز ون میں 8000میگاواٹ بجلی، 888کلومیٹر شاہراہیں اور گوادرکی ترقی،گوادر ماہی گیر قصبے سے پاکستان کا میری ٹائم گیٹ وے بن چکا ہے، وزیر پلانگ کمیشن کامزید کہنا تھا پاکستان سی پیک منصوبوں اور چینی عملے کی حفاظت کو اولین ترجیح دیتا ہے-