ادارہ شماریات پاکستان کے تازہ اعداد و شمار کے مطابق، 25 ستمبر کو ختم ہونے والے ہفتے میں شمالی شہروں میں سیمنٹ کی فی بوری اوسط قیمت 1382 روپے رہی، جو پچھلے ہفتے کے مقابلے میں 0.32 فیصد کمی ظاہر کرتی ہے۔ اس سے قبل شمالی شہروں میں سیمنٹ کی فی بوری اوسط قیمت 1387 روپے تھی۔
دوسری جانب، جنوبی شہروں میں سیمنٹ کی فی بوری اوسط قیمت میں 0.40 فیصد اضافہ دیکھنے میں آیا ہے، جو 1449 روپے ریکارڈ کی گئی، جبکہ پچھلے ہفتے یہ قیمت 1443 روپے تھی۔
تفصیلات کے مطابق، گزشتہ ہفتے اسلام آباد میں سیمنٹ کی فی بوری اوسط قیمت 1357 روپے، راولپنڈی میں 1361 روپے، گوجرانوالہ 1420 روپے، سیالکوٹ 1380 روپے، لاہور 1443 روپے، فیصل آباد 1380 روپے، سرگودھا 1370 روپے، ملتان 1416 روپے، بہاولپور 1450 روپے، پشاور 1350 روپے اور بنوں میں 1280 روپے ریکارڈ کی گئی۔
کراچی میں سیمنٹ کی فی بوری اوسط قیمت 1367 روپے رہی، حیدرآباد میں 1427 روپے، سکھر 1500 روپے، لاڑکانہ 1407 روپے، کوئٹہ 1510 روپے اور خضدار میں 1483 روپے ریکارڈ ہوئے۔
یہ اعداد و شمار ظاہر کرتے ہیں کہ ملک کے مختلف علاقوں میں سیمنٹ کی قیمتوں میں معمولی اتار چڑھاؤ جاری ہے، جس کا اثر تعمیراتی شعبے پر پڑ سکتا ہے۔