اب بات کرتے ہیں ملک بھر میں موسم کی صورتحال کی۔ محکمہ موسمیات کے مطابق آئندہ 24 گھنٹوں کے دوران ملک کے بیشتر علاقوں میں موسم خشک رہے گا، جبکہ شمالی علاقوں میں رات اور صبح کے اوقات میں سردی کی شدت بڑھے گی۔ اسلام آباد، پنجاب اور خیبرپختونخوا کے میدانی علاقوں میں موسم خشک رہے گا، تاہم شمالی حصوں میں سردی میں اضافہ متوقع ہے۔ سندھ کے بیشتر اضلاع میں موسم گرم اور خشک رہے گا، جبکہ بلوچستان کے شمالی علاقوں میں سردی کی شدت، اور ساحلی علاقوں میں جزوی ابر آلود موسم رہنے کا امکان ہے۔ کشمیر اور گلگت بلتستان میں موسم خشک رہے گا، تاہم رات اور صبح کے اوقات میں ٹھنڈ میں اضافہ ہوگا۔