اسلام آباد — وفاقی وزیر خزانہ و محصولات سینیٹر محمد اورنگزیب نے کہا ہے کہ حکومت کا عزم ہے کہ رواں مالی سال کی معاشی شرح نمو 3 فیصد سے زائد رہے گی اور ٹیکس وصولی کو جی ڈی پی کے مقابلے میں 11 فیصد تک لے جانا جائے گا۔ انہوں نے یہ بھی بتایا کہ پاکستان نے موجودہ دور میں مالیاتی استحکام میں نمایاں پیش رفت کی ہے، اگرچہ سب سے بڑا چیلنج آبادی اور ماحولیاتی تبدیلیوں کا ہے۔ اس کے علاوہ وزیر نے اعلان کیا کہ نیا این ایف سی ایوارڈ (نیشنل فنانس کمیشن ایوارڈ) نومبر میں متوقع ہے، جو صوبوں اور مرکز کے درمیان مالی وسائل کی تقسیم کا فیصلہ کرے گا۔
محمد اورنگزیب نے اپنے مختلف بیانات اور میڈیا انٹرویوز میں درج ذیل نکات پیش کیے ہیں۔
وزارت خزانہ کی معلومات کے مطابق، پاکستان اس وقت ٹیکس ٹو جی ڈی پی تناسب 10.6 فیصد کی سطح تک پہنچ چکا ہے، اور حکومت کا ہدف ہے کہ اسے اگلے مالی سال میں 11 فیصد تک بڑھایا جائے۔ انہوں نے واضح کیا ہے کہ محصولات کے حوالے سے اصلاحات (خصوصاً ایف بی آر میں ڈیجیٹلائزیشن اور شفافیت لارنا) اس ہدف کو حاصل کرنے کا کلیدی ذریعہ ہوں گےاور دعویٰ کیا ہے کہ پاکستان نے قرضِ عامہ کا تناسب جی ڈی پی کے مقابلے کم کرنے میں پیش رفت کی ہے، اور اسے مزید کم کرنے کا عزم ہے۔
انہوں نے تجارتی شعبے، صنعت اور تعمیرات میں نمو کے امکانات اور اصلاحات کا ذکر کرتے ہوئے کہا ہے کہ حکومت کا نصب العین ہے کہ معیشت کو مستحکم بنیادوں پر کھڑا کیا جائے۔