سعودی مملکت میں علی الصباح فجر کے وقت کچھ ایسا حیرت انگیز ہوگا جو شہریوں نے اس سے قبل نہیں دیکھا ہوگا۔
علی الصباح فجر کے وقت نہ صرف سعودی شہری بلکہ عرب دنیا میں انسانی آنکھ ایسا حیرت انگیز نظارہ دیکھی گی جو شاید ان ممالک کے شہریوں کی اکثریت نے اس سے قبل کبھی نہ دیکھا ہو۔
سبق ویب سائٹ کے مطابق سعودی عرب اور خطہ عرب کے ممالک میں خوبصورت فلکی نظارہ دیکھا جائے گا جس میں ’الجباریات‘ نامی شہابیوں کی بارش ہوگی۔
ماہرین کا کہنا ہے کہ یہ ناقابل یقین نظاہرہ انسانی آنکھ علی الصباح فجر کے قبل کے اوقات میں دیکھ سکے گی۔ اس کے بعد یہ فلکیاتی نظارہ دیکھنے کے لیے 36 سال انتظار کرنا پڑے گا۔
اس حوالے سے جدہ کی فلکیاتی علوم کی کمیٹی کے صدر انجینئر ماجد ابو زاہرہ کا کہنا ہے کہ یہ شہابیے 2 اکتوبر سے 7 نومبر تک دکھائی دیں گے۔ ان دنوں چاند فجر سے قبل غروب ہوگا، جس سے آسمان پر تاریکی چھا جائے گی۔ ان حالات میں شہابیوں کی برسات کو واضح طور پر دیکھا جا سکے گا۔
انہوں نے بتایا کہ یہ درمیانی درجے کی شہابی بارش ہو گی، جس میں شہروں کی روشنی سے دور مقامات پر فی گھنٹہ تقریباً 20 شہاب دیکھے جا سکتے ہیں۔ ان میں بعض شہاب ایسے بھی ہوں گے جو چمکدار دُم کے ساتھ آسمان میں نمایاں طور پر نظر آئیں گے۔
فلکیاتی کمیٹی کے صدر نے یہ بھی بتایا کہ ان شہابیوں کا منبع ’’ہالی‘‘ دمدار ستارہ ہے، جو دوبارہ جولائی 2061 میں سورج کے قریب آئے گا۔