ٹوئٹر، جو اب ایکس کے نام سے جانا جاتا ہے، نے اعلان کیا ہے کہ وہ اپنے پرانے اور طویل عرصے سے غیر فعال رہنے والے یوزر نیمز کو مارکیٹ پلیس کے ذریعے فروخت کرے گا۔ یہ نیا فیچر صرف ایکس کے پریمیئم اور پریمیئم بزنس صارفین کے لیے دستیاب ہوگا۔کمپنی کے مطابق کچھ یوزر نیمز جو کم مقبول یا طویل ہوں گے، pirorityکی کیٹیگری میں مفت دیے جائیں گے، جبکہ زیادہ منفرد اور مختصر یوزر نیمز لیبل کے تحت فروخت یا انوائیٹ اونلی موڈ میں پیش کیے جائیں گے۔ ان منفرد یوزر نیمز کی قیمتیں2500 ڈالرز سے شروع ہو کر لاکھوں ڈالرز تک جا سکتی ہیں۔
دلچسپ بات یہ ہے کہ یہ یوزر نیمز مکمل ملکیت کے ساتھ نہیں دیے جائیں گے تاکہ انہیں دوبارہ فروخت نہ کیا جا سکے۔ اس حوالے سے یہ بھی واضح نہیں کہ سابقہ مالکان کو اس سے کوئی مالی فائدہ حاصل ہوگا یا نہیں۔
یہ اقدام ایکس کی جانب سے ایک نئے آمدنی کے ذریعہ کے طور پر دیکھا جا رہا ہے، جبکہ صارفین میں اس پر ملے جلے ردعمل بھی سامنے آ رہے ہیں۔ کیا یہ قدم پلیٹ فارم کے لیے مثبت ثابت ہوگا؟