لاہور (مانیٹرنگ ڈیسک ) سپریم کورٹ کے حکم پر وزیراعلیٰ پنجاب حمزہ شہبازشریف اور سپیکر اسمبلی چوہدری پرویز الہیٰ لاہور رجسٹری میں پہنچ گئے ہیں جہاں انہوں نے میڈیا سے مختصر گفتگو بھی کی ۔
تفصیلات کے مطابق چوہدری پرویز الہیٰ نے سپریم کورٹ رجسٹری میں داخل ہونے کے بعد صحافیوں سے مختصر گفتگو بھی کی ، انہوں نے کہا کہ ہم عدالت آئے ہیں ، ہمیں عدالتوں پر اعتماد ہے ۔ پرویز الہیٰ سے صحافی نے سوال کیا کہ آپ کے وکیل نے کہاہے کہ ہمیں نگران وزیراعلیٰ حمزہ شہباز منظور ہیں اس پر آپ کیا کہتے ہیں ؟ چوہدری پرویز الہیٰ نے سوال سنا اور نظر انداز کرتے ہوئے آگے بڑھ گئے ۔
دوسری جانب حمزہ شہبازشریف نے سپریم کورٹ رجسٹری میں گفتگو کرتے ہوئے کہا کہ معاملہ ابھی عدالت میں ہے دیکھتے ہیں کیا ہوتاہے ، میرے پاس گنتی پوری ہے اور جہاں سے آ رہاہوں گنتی پوری ہی کر کے آ رہاہوں ۔